A Xunta de Galicia, a través da Oficina Técnica de Pacto dos Alcaldes, continuou a ofrecer asesoramento individualizado aos Concellos galegos dende o comezo do Estado de Alarma, utilizando para elo medios telemáticos.
32 concellos galegos mantiveron reunións co persoal da Oficina Técnica da Xunta, coordinada pola Dirección Xeral de Calidade Ambiental e Cambio Climático da Consellería de Medio Ambiente, Territorio e Vivenda, nos que o persoal técnico informou aos traballadores e representantes municipais dos pasos a seguir para a elaboración do Plan de Acción polo Clima e a Enerxía Sostible - PACES, así como solventar dúbidas xeradas durante o proceso de redacción do mesmo. Cómpre sinalar tamén que neste período se organizaron 6 #WebinarsPACES, nos que preto de 50 técnicos municipais están a recibir formación práctica sobre a elaboración do PACES.
AXUDAS
Onte día 14 de maio publicouse no Diario Oficial de Galicia a ORDE do 5 de maio de 2020 pola que se establecen as bases reguladoras para a concesión de axudas a entidades locais asinantes do Pacto dos Alcaldes para o Clima e a Enerxía Sostible cofinanciadas polo Fondo Europeo de Desenvolvemento Rexional con cargo ao programa operativo Feder Galicia 2014-2020, e se procede a súa convocatoria en réxime de concorrencia non competitiva para o ano 2020 (código de procedemento MT210A).
Estas axudas están destinadas ás entidades locais municipais, supramunicipais e agrupacións de entidades locais da Comunidade Autónoma de Galicia, que estean adheridos formalmente ao Pacto dos Alcaldes para o Clima e a Enerxía e que non dispoñan do PACES nin redactado nin aprobado.
O enlace ás bases reguladoras das Axudas é o seguinte: www.xunta.gal/dog/Publicados/2020/20200514/AnuncioG0532-050520-0006_gl.html
Requisitos entidades beneficiarias:
a) Estar adheridas formalmente ao Pacto dos Alcaldes da UE polo Clima e a Enerxía, aprobado pola Comisión Europea o 15 de outubro de 2015, antes da solicitude da axuda. Considerarase a adhesión formal cando se rexistren na web da Oficina do Pacto da Unión Europea: www.pactodelosalcaldes.eu
b) Non dispor do Plan de Acción para o Clima e a Enerxía Sostible (PACES) nin redactado nin aprobado.
Prazo de presentación de solicitudes: Un (1) mes, contado dende o día seguinte ao da publicación da Resolución no Diario Oficial de Galicia.
Prazo de execución e xustificación: 30 de novembro de 2020
Gastos subvencionables: contratación dos servizos de elaboración dos PACES
Contía das axudas:
|
Poboación Concellos |
Financiamento máximo |
|
Ata 2.000 habitantes |
Ata 3.000€ |
|
De 2.001 a 5.000 habitantes |
Ata 4.000€ |
|
De 5.001 a 10.000 habitantes |
Ata 6.000€ |
|
De 10.001 a 20.000 habitantes |
Ata 9.000€ |
|
De 20.001 a 50.000 habitantes |
Ata 11.000€ |
|
De 50.001 a 100.000 habitantes |
Ata 15.000€ |
|
Máis de 100.000 habitantes |
Ata 20.000€ |
Para mais información poden contactar co persoal da Oficina Técnica da Xunta de Galicia para o Pacto dos Alcaldes, chamando ao 670506359 ou ben enviando un correo electrónico á dirección pactodealcaldes@xunta.gal
@GaliciaSostible #Compromiso #CambioClimático #Resiliencia