A Oficina Técnica da Xunta para o Pacto das Alcaldías informa dos novos datos climáticos da Organización Meteorolóxica Mundial (OMM), que predín que a temperatura global media anual probablemente estea polo menos 1.0° C por encima dos niveis preindustriais (1850-1900) en cada un do próximos cinco anos (2020-2024) e hai unha probabilidade do 20% de que estea polo menos 1.5°C por encima dos niveis preindustriais en polo menos un ano.
Ao alcanzar unha temperatura de 1.5ºC, as consecuencias relacionadas co quecemento global vólvense cada vez máis severas e máis difíciles e custosas de manexar. As consecuencias documentadas cientificamente vinculadas cunha temperatura global maior ou igual a 1.5°C inclúen a perda de 70% dos corais e da metade do hábitat dos insectos (incluídos os polinizadores de alimentos) para fins de século, o aumento de problemas de seguridade alimentaria global e o incremento da frecuencia e intensidade dos fenómenos meteorolóxicos extremos.
Máis información sobre os datos climáticos da OMM en https://www.unenvironment.org/es/noticias-y-reportajes/reportajes/la-trayectoria-de-la-temperatura-global-anual-amenaza-con-romper
Compre sinalar que a Xunta de Galicia, a través da Oficina Técnica de Pacto das Alcaldías, envía un perfil climático aos concellos galegos adheridos ao Pacto a partir de datos de Meteogalicia, no cal se indica información que facilita a realización da Análise de Riscos e Vulnerabilidades para a adaptación ao Cambio Climático do Plan de Acción polo Clima e a Enerxía Sostible PACES, como a identificación de riscos de perigos climáticos e o impacto previsto por sectores políticos para cada concello.
@GaliciaSostible #Compromiso