A Xunta de Galicia comunica a publicación da “Guía para PEMES ante os Obxectivos de Desenvolvemento Sustentable”, editada conxuntamente pola Rede Española do Pacto Mundial, o Consello Xeral de Economistas de España (CGE) e a Confederación Española da Pequena e Mediana Empresa (CEPYME). O documento é un manual práctico e esquemático de fácil consulta, elaborado co obxectivo de dar a coñecer a Axenda 2030 entre as Pequenas e Medianas Empresas, orientalas na adopción dos principios da sustentabilidade, e mostrar as oportunidades que iso lles pode reportar.
A Guía mostra como a aliñación con este marco de sustentabilidade definido polos 17 Obxectivos de Desenvolvemento Sustentable (ODS) da Axenda 2030 reportaralles beneficios e oportunidades de negocio. A Guía fai especial fincapé nas oportunidades de investimento que ofrecen as finanzas sostibles e indica como se conecta a normativa en sustentabilidade coa Axenda 2030.
Trátase polo tanto dunha ferramenta útil para axudar ás Pequenas e Medianas Empresas a poñer en valor a súa actividade socialmente responsable e o seu traballo pola consecución dos ODS da Axenda 2030 de Nacións Unidas xunto ao resto de actores sociais.
Esta publicación trata de dar resposta á necesidade de orientar e acompañar ás PEMES neste proceso, ofrecéndolles consellos sobre os pasos para seguir e suxerencias para a acción, así como exemplos de boas prácticas empresariais que poden servir de referencia e inspiración para seguir difundindo a Axenda 2030 entre as Pequenas e Medianas Empresas e avanzando na consecución das 169 metas que engloban os 17 ODS.
Pódese descargar a publicación aquí: https://www.cepyme.es/wp-content/uploads/2019/11/Gu%C3%ADa-para-pymes-ante-los-ODS.pdf
@GaliciaSostible #Compromiso