A Comisión Europea publicou o pasado 30 de agosto un novo informe titulado “Avaliación do impacto das solucións baseadas na natureza: Un resumo para os responsables políticos” co obxectivo de ofrecer un conxunto de indicadores e metodoloxías, para valorar as solucións centradas na natureza (NbS), aos responsables políticos e profesionais.
O informe desagrégase en seccións chave que describen a relevancia das solucións, os problemas sociais que pretenden abordar, a importancia de contar con indicadores robustos para avaliar as devanditas solucións e as ferramentas que se precisan para poñelas en práctica. A publicación serve de referencia para as políticas e actividades da Unión Europea sobre os efectos das NbS.
De cara ao futuro, os autores esperan que a publicación sexa unha guía básica e proporcione unha mellora da calidade, eficiencia e eficacia na aplicación de solucións baseadas na natureza nas súas distintas fases.
A publicación completa está dispoñible na seguinte ligazón: https://op.europa.eu/en/publication-detail/-/publication/d7d496b5-ad4e-1...