Desde a Oficina Técnica da Xunta para o Pacto das Alcaldías infórmase dos avances do Concello de Ribeira e do Concello de Ames nos compromisos asinados como municipios adheridos ao Pacto.
Por unha banda, o Concello de Ribeira vén de encargar a elaboración do Plan de Acción para o Clima e a Enerxía Sostible (PACES), que incluirá a cuantificación das emisións no territorio municipal a través dun inventario de emisións de referencia (IER); a avaliación de riscos e vulnerabilidades climáticas, o Plan de Acción de Mitigación e o Plan de Adaptación.
E, por outra banda, o Concello de Ames presentou a II Semana Europea da Movilidade, co lema "Por unha mobilidade sen emisións", e a campaña de redución de velocidade titulada "A 30 Ames é máis!"
@GaliciaSostible #Compromiso