A Oficina Técnica da Xunta de Galicia para o Pacto das Alcaldías informa da adhesión dos Concellos de Moaña, Mazaricos, O Porriño, Negreira e Castrelo do Val, aprobados nos útlimos días pola Covenant of Mayors.
Coa súa incorporación a Comunidade do Pacto en Galicia acada a cifra de 228 concellos adheridos, o que representa un 73% dos concellos galegos.
A Consellería de Medio Ambiente, Territorio e Vivenda, a través da Dirección Xeral de Calidade Ambiental e Cambio Climático, é a coordinadora do Pacto das Alcaldías da Unión Europea para o Clima e a Enerxía en Galicia, quen ven traballando cos Concellos galegos promovendo e apoiando a súa adhesión e a consecución dos seus compromisos. Para facilitar esta labor, a Xunta de Galicia creou, a Oficina Técnica do Pacto das Alcaldías en Galicia, instrumento cofinanciado con Fondos Europeos FEDER.
Para mais información poden contactar co persoal da Oficina Técnica da Xunta de Galicia para o Pacto das Alcaldías, chamando ao 670 506 359 ou ben enviando un correo electrónico á dirección pactodealcaldes@xunta.gal
@GaliciaSostible #Compromiso