De acordo cunha enquisa levada a cabo entre 15.000 persoas pola Organización das Nacións Unidas para a Educación, a Ciencia e a Cultura (UNESCO), o 67% dos cidadáns do mundo considera que o desafío máis importante ao que nos enfrontamos son o cambio climático e a perda de biodiversidade.
Segundo os datos da enquisa "The world in 2030" (O mundo en 2030), levada a cabo nun cuestionario aberto na internet entre maio e setembro de 2020 en máis de 25 idiomas, móstrase que os ciudandanos do mundo están preocupados polo aumento dos desastres naturais e o clima extremo, a perda de biodiversidade, o risco de conflito ou violencia, os impactos nos océanos e, o que é máis crítico, que cada vez hai menos esperanzas de poder resolver o problema.
Para abordar o reto que expoñen o clima e a biodiversidade, os enquisados favoreceron o investimento en solucións ecolóxicas, a educación sobre sustentabilidade, a promoción da cooperación internacional e a xeración de confianza na ciencia.