O proxecto, enmarcado dentro do programa Horizonte 2020, ten como obxectivo abordar e demostrar a transformación do sistema enerxético urbano cara cidades intelixentes e baixas en carbono
Estas cidades están baseadas no concepto de Distrito de Enerxía Positiva (PED polas súas siglas en inglés).Os Distritos de Enerxía Positiva son zonas urbanas cunha emisión neta case cero de CO2, encamiñadas á produción de excedentes anuais de enerxía renovable de xeración local. É dicir, trátase de vivendas que xeran máis enerxía da que consomen e que comparten o excedente enerxético.
Os modelos operativos de PED desenvolvidos no proxecto poden axudar a as cidades europeas e outras cidades de todo o mundo para adoptar unha visión da cidade 2050 a longo prazo para a transición enerxética e a urbanización sostible, á vez que converten aos cidadáns en actores desta transformación.
Así, o concepto PED aparece como un paso máis aló da actual normativa europea de edificación ao traer grandes cambios estruturais, sociais, económicos e tecnolóxicos nas cidades; probándose e validándose en dúas cidades piloto: Groningen (Países Baixos) e Oulu (Finlandia) e que, posteriormente, se replica en 6 cidades seguidoras: Bassano do Grappa (Italia), Kadiköy (Turquía), León (España), Lublín (Polonia), Trenčín (Eslovaquia) e Vidin (Bulagria).
Algúns dos impactos esperados do proxecto son:
- Impulsar o uso de enerxías renovables
- Liderar o camiño cara unha maior implementación de Distritos de Enerxía Positiva
- Mellorar significativamente a eficiencia enerxética, mellorar o balance enerxético anual positivo e optimizar a enerxía producida a nivel distrito
- Aumentar a instalación de solucións de mobilidad eléctrica, como estacións de carga eléctrica
- Mellorar a calidade do aire nas zonas urbanas
- Transformar a economía local
- Crear novos postos de traballo, directa e indirectamente
- Fomentar a mobilización da inversión pública e privada