Desde a Dirección Xeral de Calidade Ambiental e Cambio Climático da Xunta de Galicia informamos de que Ecovidrio, entidade sen ánimo de lucro encargada da xestión da reciclaxe dos residuos de envases de vidro en España, lanza a web “É Tempo de reciclarse”, con contido sobre reciclaxe e coidado do medio ambiente. O obxectivo da web é ilustrar a pequenos e maiores sobre a protección do noso planeta e a loita contra o cambio climático, ademais de servir como entretemento para toda a familia nestes momentos excepcionais nos que debemos quedarnos na casa.
A través desta web, Ecovidrio pon ao dispor dos cidadáns contido actualizado con propostas educativas e divulgativas para entreter a pequenos e maiores. Grazas a esta nova web os máis pequenos poderán debuxar e colorear á vez que aprenden sobre reciclaxe, descubrir curiosidades sobre o sector dos residuos, pasar o tempo vendo vídeos educativos, ler información lectiva sobre o material do vidro e a súa orixe e realizar moitas actividades entretidas como bailes de cantaxogos, xogos de misterios e propostas de documentais e vídeos.
@GaliciaSostible #Compromiso