O Pacto Verde Europeo e o Plan de Acción para a Contaminación Cero da UE fan especial fincapé en mellorar o estado da natureza en Europa e en conseguir unha contorna sen substancias tóxicas que non resulte prexudicial para a saúde das persoas e os ecosistemas. A nosa saúde, a nosa calidade de vida e o noso benestar están inextricablemente ligados a un ambiente limpo.
O concurso fotográfico «Well with Nature» da AEMA pon de relevo a nosa conexión coa natureza, ata que punto coidámola e como pode manternos emocional e fisicamente sans. O seu obxectivo é aumentar a sensibilización sobre os beneficios que podemos obter se actuamos para conseguir a contaminación cero.
Cada participante pode enviar ata cinco fotografas da natureza en calquera das catro categorías que compoñen a competición (aire, auga, terra e son) antes do 1 de outubro de 2022.
O gañador en cada categoría recibirá un premio en efectivo de 1 000 EUR. Concederanse outros premios á mellor obra xuvenil, así como á fotografía favorita do público.
Todos os participantes deben ser maiores de 18 anos e cidadáns dun dos 32 países membros da AEMA ou dos seis países colaboradores, é dicir, os 27 Estados membros da UE, Islandia, Liechtenstein, Noruega, Suíza, Turquía, Albania, Bosnia e Hercegovina, Kósovo*, Montenegro, Macedonia do Norte e Serbia.
Para máis información sobre as bases do concurso e sobre como participar, visita a páxina do concurso «Well with Nature».