As estratexias da UE para a integración do sistema enerxético e o hidróxeno, adoptadas esta mesma semana, facilitarán o camiño cara a un sector enerxético máis eficiente e interconectado, impulsado polo dobre obxectivo dun planeta máis limpo e unha economía máis forte. Para ser climáticamente neutra de aquí a 2050, Europa debe transformar o seu sistema enerxético, que representa o 75% das emisións de gases de efecto invernadoiro da UE.
Estas dúas estratexias presentan unha nova axenda de investimento en enerxías limpas, en consonancia co paquete de recuperación «Next Generation EU» da Comisión e o Pacto Verde Europeo. Os investimentos previstos teñen potencial para estimular a recuperación económica tras a crise do coronavirus. Crean emprego en Europa e reforzan o liderado e a competitividade nas industrias estratéxicas, que son cruciais para a resiliencia de Europa.
Máis información na seguinte ligazón: https://ec.europa.eu/commission/presscorner/detail/es/ip_20_1259
@GaliciaSostible #Compromiso