Aprobada a Lei de residuos e solos contaminados no Consello da Xunta

luns, 28 Setembro, 2020 - 00:00

O Consello da Xunta aprobou a Lei de residuos e solos contaminados, coa que “Galicia se situará á cabeza das rexións europeas na transposición da Directiva en materia de plásticos”, incidiu Feijóo. Deste xeito, a Comunidade fixará mecanismos para loitar contra o plástico dun só uso e contra o desperdicio alimentario.

De feito, para reducir as cantidades actuais de desperdicio alimentario establécese, por primeira vez por lei, que os titulares de establecementos de restauración estarán obrigados a entregar as fracción sobrantes de alimentación non consumidas en recipientes que estean compostos cun 50% de material biodegradable, quedando totalmente prohibida a vaixela de plástico.

Ademais, segundo explicou o presidente da Xunta, establécese que en 2023 os concellos deberán instaurar a recollida separada dos biorresiduos e en 2024 será a quenda dos residuos téxtiles e residuos perigosos de orixe doméstica.

Feijóo concluíu que con este novo texto lexislativo, xunto coas estratexias de Economía Circular e de Cambio Climático e Enerxía, “pechamos as ferramentas que a Unión Europea se compromete cos Estados membros a implementar nos prazos previstos”.

@GaliciaSostible #Compromiso